თახაშხაში სონეტი
Jump to navigation
Jump to search
გოღა დიბჭყითი ახალ ქართა ჸათე მარათი
დო თი ნაფირქიქ ვაშქოჭყორდას, ბორჯ რე მიშენი,
სკან შარა გეიძ ოულარი, ოდო მუშენი,
ვედასიავა, – თუთაქი თქუ, – მივეხვარათი.
მიში იმენდო?! – მუ მიკეთუ, ქომწი, ვარა თიქ,
გაბრისკენქია ხოლო ართშა, მა ბთქვი იშენი,
გოინტერესუ სითი რინა ჸათენაშენი,
მუთუ ვეზიმე, გიჩქუდასი, ვართი ფარათი.
თიშმანწარა რე თე კოჩანა, ბოლოშა ურცი,
თოლწკურაიათ სი რჯერც მუჭო ჸათნა თაში რე,
მა ვაგმაგინუ, მუზმა კოჩი ოკო მოშირე,
კოჩ ქიგეგენი, მუნერი რე, მუ უღუ გურცი,
ლურცუნ გიჩქუ დო კურცხე რენა, მინც კურცხეთ ლურცი,
ამდღა ჯგირ, მარა მის უჩქ, ჭუმან მუს ქიმინუნცი.