თაშ გოუჭყაფჷ ღორონთისჷ

From Wikisource
Jump to navigation Jump to search
თაშ გოუჭყაფჷ ღორონთისჷ
by ნარგიზა ბასარია
98610თაშ გოუჭყაფჷ ღორონთისჷნარგიზა ბასარია

ცას ჩე სჷნთე გევრზამუნა
ხვიჩა–ხვიჩა მურიცხეფსჷ,
ანახ–განახ ვავარდენა
კაკაჩენა თელი სერსჷ.

ჭკობა–ჭკობათ უძახჷნა
თუთას, ცაში მეჯინუსჷ
სჷნთეშ დორშის ეჩიებნა
ჟინი თაკვირ ამბეფისჷ.

ორთას სქვამას ანათენა
დო თხილანა ცაშე თისჷ,
ართიანსჷ, მენწყილ რენა
თაშ გოუჭყაფჷ ღორონთისჷ.