თ
თასუას მუქუთ ირაგადუ, მოწიას თიქ იჸუა.
თელო ღურას ღურა ოში წილო უჯგუნია.
თე ქიანას "მიიცადი" ჯოხო.
თოვხა ცხენი ქვიშორე, მით ირგუნი თიშ ორე.
თოლი თოლიში ტერი რე.
თოლი თოლს გჷთაჩირთჷნი, გური გეგნიშხვაფერებუ.
თოლი შუნს, თოლი ჭკომუნს.
თოლს წყარი ქალაბესია.
თოფურიში გჷმმაჩამალი კითის ირო გისირქუნსია.
თუდონი ქიანაში ღორონთი ღუმუ რენია.
თუნთის დაპენჯებული თუნთი მეუსერგელუდუა შხვაშ ჸვანაშა.
თუნთის ოსქალეს აბარენდესია.
თუნთის ჸვანა მიაბარესია.
თუნთიქ მეგერიას და -- ბაბა დუუძახია.
თხა დო ნგერიჯგუარენია.
თხა, თხაში უარესი, გერქ ოჭკომუა.
თხალეფი ართიანს ჩხანკაფის ქუდუუჭყანანი, თიწკმა დინუნანია.
თხას თუმა ვაგოჩანდუა, შხურს მოკმაჭაბუანდუა.
თხაქ მის უდინუნი, დღაქ თის უდინუა.
თხაქ ხული ძირ დო ღობერი ვა ძირუა.
თხაშა მუთაქ აღოლესია დო შხურს კუჩხი ქუხვამილესია.
თხაში ჭირი შხურსია.