ზოთონჯი (ზეინაბ სარია)
ნოჸელი ნოჸელს თეშ გეთხოზ,
მირულედან მორულეფი,
ბორიაქ გეშეხანგალუ დო
გილეჩუუ ბორულეფი.
ქინთიტყობუ ნოჸელეფს,
მინ კიჩუნს დო მინ ფაჩუნს,
მოურს თირი, მოფუცქინუნს,
მოცენსჷ დო მოფაშქუნს.
მოურს ბამბეშ ნოსეფცალო,
მოურს ფარფალიაშორო,
ე ჸინიშა მუს გარზინე,
ეშ მასქვამა ვარდას, მორო?..
აბა ნამუს გითაღინე
ე ზოთონჯი თოლისერი!..
ღორონთი, სქვამას გომთანე დო
ღორონთი, სქვამას დომისერი!..