ზესქვეფი სოთინი მაფურინალი ვარე
Jump to navigation
Jump to search
ზესქვეფი სოთინი მაფურინალი ვარე,
არძა წორო მითოყურშუ ცურუს,
მაჭირხოლშო გორჩქინელი ცა რე,
სო მეურსუ, სოიშა გილანჩურუნს...
გილეწეწუ მუნაფეფი მორღვათ,
შხვაში ჩილამურსუ გიმობუნა გურსუ,
შხვაში თირს ჩქინი დოხორეს ორღვანს,
გიჩოლუ დო სო ოკონ თექ ურსუ.
მა მუს მიტენს, ქომჩქუდასუნი, ნიტე,
მის უჯღონა ჩილამურამი თირი,
ნათესეს ონდეთ ქიმკუკირტენი,
თიჯგურა ფსანგუ, ეშე გენმორთინუ.
ვოხექ დო მებძღაბურა ლერსის,
ვოყუნუა შურიში სიმონკას,
იმენდი რე, ვაგმოთუნა მესის,
ბჟა ტატალიში სინთეს ქუგმოკონკანს.
მორინელი ჭარა ირფელს ფითქუნს,
ირფელი თეში მუნმირთუ დო ირთუ,
ჩქიმი ჯასუ მიკუხე დო ხინტკუნს,
ყვაეკორჩხილი სადღამუშოში ქვირთუ.
ზესქვეფი სოთინი მაფურინალ ვარე,
არძა წორო მითოყურშუ ცურუს...
მათი თაქი გილვოგაგა ხვალე,
თე ცხირაშა ღურუქ გემოწურუ.