ზესნახე

by რამაზ კუპრა

please do not remove empty parameters (see the template documentation).

ზესნახე by რამაზ კუპრა

რამაზ კუპრა. "ლაზონა დო მარგალონა" 2009წ.ხ.68

   

ინჭას ზესნახე ეკორე,
კიდირს გინოძ ბეჭილ თუმა,
ბირკულს დალეფ გინორენა
ქუმორთია, უძახუნა...

წკონდა წყარით გემინაფშუ,
ხურხისქვამი ორკოლ მერკე,
ჭველაშ ბარჯგირ ქიმკაციკუ,
ტუტლაშ გიშნათოლა ხერკე...

ხე ეურქუ დო კიდირშე
გეგნიჸოთუ ბეჭილ თუმა,
ბირგულქ ვეკლურჩქინდას ვარა
გეგნილასუ კოჩ თიწკუმა...

კიდირ ეშაჭკირილ კაბათ
ცირა სქვამა მიმირმიშჷ,
აბარწაშე ქუმოხვად
ღარს პიკვალი კიდირიში...

ქეწასერ დო თოლ დოწკურუ,
ვაგარზინუ სისქვამეშა,
თე კოს სარკოქ გემკუოლ და
-ირფელ ზესნახეში გეშა...