ვხედავ ბედის მწვერვალს
Jump to navigation
Jump to search
| ვხედავ ბედის მწვერვალს ავტორი: ტერენტი გრანელი |
ვხედავ ბედის მწვერვალს,
იქ თეთრი არეა.
მე ოთახში ვწევარ
და ცაზე მთვარეა.
ამაღამ ლექსს დავწერ,
რადგან ველი სიკვდილს.
და მინდა ვხედავდე
ახლა მთვარის სირბილს.
აქ ირგვლივ ძილია
მოგონება დარჩა.
ცა მოწმენდილია
და ღრუბელი არ ჩანს.
ვხედავ ბედის მწვერვალს,
იქ თეთრი არეა.
მე ოთახში ვწევარ
და ცაზე მთვარეა.