ვო სიმართე, სი ვაიჭარე
Jump to navigation
Jump to search
მუ გერეფიშ ხეს რექ,
ხე დო კუჩხი გოხართილი
გიძღცალ ხულას დორხვილეს.
ბჟას ჭვიტეშე უჯინექ,
კილი ირო დოიგორეს,
სქანწკმა სარხოს ვარენფერი
მუსხი ტყურა მოიგონეს.
მიშ იმენდი გიღუდას,
ხეს ვარზენა სქანი რინა,
ოშიბელიშ ოშიბელო
ვარგნა სქანი ელარინა.
წიმი ულას ელუნა დო,
მეტყურეფიშ ხასლას რენა,
გური გვალო დოიყვილანინ,
ჯგირი მუთუნს ვაგგაგენა.
ბჟა რე სქანი დიდა მარა,
მუმა ქიდიყუნუ ნტერქ,
მოკო სკანი გომორძგუა,
იყუენი ბედინერქ.