ვიცი, ეს ფიქრი სხვასთან არ მივა
Jump to navigation
Jump to search
| ვიცი, ეს ფიქრი სხვასთან არ მივა ავტორი: ტერენტი გრანელი |
ვიცი, ეს ფიქრი სხვასთან არ მივა,
და ვიცი, ახლა ხშირად მახსენებ.
შენ ჩამოგშორდი და მე მკვდარი ვარ,
ძვირფასო, მოდი და გამასვენე.
მოდის ცხოვრება - კორიანტელი,
ნუთუ შენ მაინც არ გამახარებ.
ჩემს წინ გაჩერდი, როგორც სანთელი
და გულზე მიწა შენ დამაყარე.
ვიცი, ეს ფიქრი სხვასთან არ მივა,
და ვიცი, ახლა ხშირად მახსენებ.
შენ ჩამოგშორდი და მე მკვდარი ვარ,
ძვირფასო, მოდი და გამასვენე.