ვეშეილებ შხვანერო

From Wikisource
Jump to navigation Jump to search
please do not remove empty parameters (see the template documentation).
***
by გიგა ქავთარაძე

სი ასე მილახექ ოთახის
სოლეშეთ მაილეფს ოჯღონანქ კომპანიეფშა
ანკესიშ კაღუს ენმაჸოთანდე გიმორძღაფილ
ჩხომეფიშ ოჭოფალონ თეშ წყარშა
მარა ჩხომეფი ქვარარძღელეფ რენა ვარა
შხვეფს აფუნა უკვე თექ დინოჭოფილ
დო უმოღეთ გეუხექ ფაფიაშ ქვაქუას

გინმაჯინექ ტუტაშფერ ქართის დო
ეკმოხვალუნქ გურშე ხემეგამილ ჸოროფას
ნამუსუთ დახე წანა რე მოზირუნქ თიშონ
მარა მუთ უმოსო იჩოლუქინ
თით უმოსო ეთმიფშაფუქ კინ თი გინაფათ
ნამუსუთ ვადა დღას ვაგალე

ვეშეილებ შხვანერო
ვეშეილებ შხვეფს აგურენ
მით გირაგად ჸოროფაშ ბორჯიქ დოღურუან
თენერ კათა ხვალე გიშაგორუეფშა გილერულე
დო ხონარს არზენს დუდიშ დაჩიჩიებას
დუდიშ ღორებას
თეცალეფშა დღას ვაგმაგინე...