ვემგოტე დო ვემმოტუა

by რამაზ კუპრა

please do not remove empty parameters (see the template documentation).

ვემგოტე დო ვემმოტუა by რამაზ კუპრა

რამაზ კუპრა. "ლაზონა დო მარგალონა" 2009წ.ხ.86

   
გურს დაჩხირი ელმორზუნი
სი შეილებ თიშ შქირიტუა,
ოდო შური ქენმაქანცჷნ
ვემგოტე დო ვემმოტუა...

სქანი უმშო ვეგნმაღინე
კაკალია დღა დო სერი,
თეს ვარწყექო, გირაგადუქ
დო კოს თოლშა ეწმასერუ...

იმენდ მიღუ, დუმართუქჷ,
შურსჷ თისჷ გინვორთუა,
ცა დო დიხაქ ეკინწყვასჷნ
ვემგოტე დო ვემმოტუა...

მა მილინდას, სი ჸოფედა,
სასაფულეს ქიგმოთუას,
ჩქიმ შურ თევრე ვემგოტენსჷ,
მა სი ათაქ ვემმოტუა...