ვაჩენდჷნო თე ბორია
Jump to navigation
Jump to search
ვაჩენდჷნო თე ბორია,
ათეზჷმას იქექჷნი,
გოთანდ, ტანქჷ ქომიგინჷ,
გეგთოჭვიუ სინთექჷნი.
ართჲ აკანცჷ გევორექ-დო
ირკოჩქ მუშ დუც მეხვარასჷ,
მუ ბღოლუა თეზმა ჭუას,
ათეზჷმა ლეხარასჷ.
თე ქიანას მიქ გჷმორჩქინ,
მის ვოკოდჲ დო მიქჷ ფთასჷ,
ხვათახვალე ელვოჯინექ
ათე თუთაშ მორთაფასჷ.
ასე რინა ქიმურცჷ-და,
ბირათჷ დო ღურჭულითჷ,
ართჲ დღას თხუმუშ ჯინჯიცალო
მებკვათჷნა ბურჭულითჷ.
ჩე დო უჩათ მებხანტჷნა
ხანტუშ ფუნჯჲ დო აკვარელი,
ათაშ მეურც ათე რინა,
ბორჯიშ აკოსაქვარელი.
1 ეკენია