ვარდიში ჸა
იშხანც ლაფაშე
უგუწყანეთ ბორჯი წკულეტი,
დითა მუს ელჷ
დიადიხა ელავალირი,
მუზმა ჟიცაშა
ეშე მისოფ კოჩი პელეტი
იზმაშა ართუ
უჩა ჭარა გოშქუმალირი.
კოჩიშ ჯგირს ფური,
ელანქერე დო აიწორო
ბოროტიქ კეთილც
უძირძონუ იშენით გამწას,
ვარდიშ ნოჸელას
მოგენს თენა ნამუსჷთ წორო
პირი ასქვამანც,
მოწონც მარა ქარა რე ვაწანც.
დო იშენ ვარდი
დიადიხა ელავალირი
ორე თოთო თი
დო ონატრჷ ლჷლჷშ ფერაფი,
კინი კოჩი რე იმენდული
დო გოფალირი
კოჩიშ ხეს ელჷ
ვარდიში ჸა ქარაშ ღალირი.