ვადმაჯერა მა!
Jump to navigation
Jump to search
გოპირელო მიძირუქუ,
გოფალირო მა,
ვარდიშნერი, პირიშ ფერი
გეფინელი _ მა.
გოპირელო გიძირუქუ,
გურიჭვილო გიჯინუქუ,
სანთელშორო ერძამილი
მერჩქინელი მა!
ობირეში მაბირალი
ჩონგურიში მა!
დუმარჩქვანალი, მათხილარი
ჩხე გურიში მა!
ძაფიშორო გინორთელი,
მუკი–მუკი მინორთელი,
ჯა დო ქუას გეგაფილი
სქანი განიშე მა!
გილეშიო იშო–აშო,
დინაფილი მა!
ჩქიმი ვარ დო შხვადოშხვაშო
თირაფილი მა!
გალე–გალე გილმალუო,
თე სისქვამეშ გილმალუო,
უბედოთუ ერჩქინდიო,
უბედოთუ მა!
გურიშ ჭუა დომიტეო
ანდანერი მა!
ტვინი დო ჭკუა დომიტეო
მიწორთელი მა,
სქანი ბედი ჭვილი რენი,
სქანი ბედი ჭვილი რენი
ნერი–ნერი ჯგირი რენი,
ვადმაჯერა მა!