ეჩდოშქვითი ჩილამური

From Wikisource
Jump to navigation Jump to search
please do not remove empty parameters (see the template documentation).
ეჩდოშქვითი ჩილამური
by გური ოტობაია
ჰოუნანა, პოეზია, ერთტომეული, თბილისი, 2008 წ.

თქვანჷ დუდიშა მუნომლუაფჷ ჯაშჷ წვანჯეფი,
ცაშჷ ნოტეხეფქ ანწი ვარა თე გურს ხირცქას,
თქვათ გიჩქუნა ჸათე შარა ვარდუ ეფი,
თქვათ გიჩქუნა ზისხირჷ გოპუნდჷ არძო ბირცხას.
ეჩდოშქვითი ჩილამური გეკვოშქვიდე,
ეჩდობრუო მიხაზირენს, ალბათ, თორსას,
ლერსი, ოკო უკახალე ეკმოსქიდე,
ჸათე რინაქ მუდგანერო ვეკმამორსას.
კოლხიდაშე წყურგილშორო გემწოფსოფი,
ჩქიმჷ სისქვამეს მებეჭუდუ მაბჟალია,
ოდაბადეშჷ თოლიშჷ სინთე გეკობჭოფი
დო ხურხიშა ქიფხუტოლე მაფშალია.
ჸათე გურსუ ღურუშჷ ორანჷ ჭვეთით ვარზუ,
მარა არძა მურიცხიში ლისმარჷ გეშქუ,
მუჭო ფიქრენთ, იბთირანქო ანწი გვარსუ?!
ჩქიმჷ შარაქუ ბჟა ეიოლშე გემწოფეშქუ.
მიკმაჭაბუ ირფელჷ ართო, ბჯოგუ მერკე,
ებდიდორი, ქიპოპობრე, ეკიბლანდღვი,
შურშა ოკო თისხი დაჩხირჷ ქენიბგვერგვე,
მუსხის ვაგურზჷ ჩქიმჷ ბირგულჷ დო ჩქიმი განთხი!
წანეფჷ, წანეფჷ ეკოფხართეთ ხაჯალურო,
ეჩდოშქვითი ჩილამური გეკვოშქვიდე,
ჩქიმჯგურეფი ვეშქურინე ღაჭალურო,
ლერსი ოკო უკახალე ეკმოსქიდე.
ჸათეჯგურა წიმოკინა კოჩის ვაშუ,
ნამსჷთ ართშა ღურუშჷ ფერი ვეგნოდვალუ,
არძა ჭუაქ მა ვამაჸვილჷ, მა ვეშმაშუ,
გურც ნტყოლირი ლეკურეფქუ ვამათვალუ.
ეჩდოშქვითი ჩილამური გეკვოშქვიდე,
ეჩდობრუო მიხაზირენს, ალბათ, თორსას,
ლერსი ოკო უკახალე ეკმოსქიდე,
ჸათე რინაქ მუდგანერო ვეკმამორსას.