ეს ქარიშხალი და ეს წამება
| ეს ქარიშხალი და ეს წამება ავტორი: ტერენტი გრანელი |
ეს ქარიშხალი და ეს წამება
და ქარიშხალთან ვარდის რტოები.
დავიღუპები, ვიცი, ამაღამ,
დავიღუპები, როგორც პოეტი.
სხვა გზა არ მქონდა, დაო, რა მექნა,
მე ძალას უფრო მოვიპოვებდი.
დავიღუპები, ვიცი, ამაღამ,
დავიღუპები, როგორც პოეტი.
ძვირფასო, მოდი, სად ხარ ამდენხანს,
ამ ქვეყანაზე მე ხომ მოვედი.
დავიღუპები, ვიცი, ამაღამ,
დავიღუპები, როგორც პოეტი.