ეს ფიქრები ქრიან
Jump to navigation
Jump to search
| ეს ფიქრები ქრიან ავტორი: ტერენტი გრანელი |
ეს ფიქრები ქრიან,
დგას საყდარი სომხის.
ძირს ფოთლები ყრია
დაცვენილი ოხვრით.
ქარს შრიალი მოსდევს,
ქარი ცისკენ მიდის.
და მიწიდან შტოზე
გადაფრინდა ჩიტი.
და ხეების იქით
დღე ანათებს მინებს.
უცნაური ფიქრით
ბაღს ჩაუვლის ვინმე.
ეს ფიქრები ქრიან,
დგას საყდარი სომხის.
ძირს ფოთლები ყრია
დაცვენილი ოხვრით.