დღა დღას მეჸუნს,წანა წანას...

by ბადრი ქუთათელაძე

please do not remove empty parameters (see the template documentation).

დღა დღას მეჸუნს, წანა წანას... by ბადრი ქუთათელაძე

ლია ნაროუშვილი. „მეგრული პოეზია“ თბ.2007 წ. გვ.249-250

მა ვამოკო ჩქიმი დუდი
უსკანეთი მიჸუნდასი...
გური მიღუ,
გური მიღუ,
გური მიღუ ძღაბი ჯაში!
ჩქიმ ჸოროფას მუს უწინჷქ,
ვორწყექ ვარე შურით ძინა...
მა ვაპუნსუ,
მა ვაპუნსუ,
მა ვაპუნსუ ჩქიმი ცირა!
დღა დღას მეჸუნს, წანა წანას,
თუთა შარას მინათენსუ,
სკანდა მეურს არძა შარა
გორუნს შურიშ სინათესუ!
ასე მუჭო ოკო ვორდა
წანემს მუში მეუღუდო!..
მა ბშუ სკანი ჭიჭე ოდა -
ქაცარ მიკოკირუდ თუდო!
მა ბშუ სკანი ჩითიშ ტანი
მუჭო სკვამას მეგიუდუ,
აბაშაში წკონდა წყარი
ვარჩხიიში ტობაშ გუდუ!
მა ბშუ სერი - ეფშა თუთა
ართო მუჭო ვოთანეთუ...
თიშით ვორექ კმაყოფიი
ქომმოჭიშეს მოთალენქუ!
დღა დღას მეუნს, წანა წანას,
თუთა შარას მინათენსუ,
სკანდა მეურს არძა შარა
გორუნს შურიშ სინათესუ!..