დუდი კჷნე დუდიშულო იბგინი!
Jump to navigation
Jump to search
ცაშ ლაფასჷ ბჟაშ მეხოხჷნც ჸანჭი -
ნოთეს სერიში ქუდუტებუ ქამფარი...
ჭენჭყონაშე ჟჷნც გარკიანც ყანჩი,
გეგჷნიციორ ბორიაქ დო
რეღმეფქ დაჭყჷ ჸვანთალი.
მენიშოლეს გეგნუნჩურუ წყარი,
თოლც ძიუთუ ვუკინდუა ნიშისჷ...
შარა აშო გეჭოფუ დო ვარი,
ქარონჲ ვარდასჷ მენიშოლე -
ეჸუნაფილ ვაფუქ ჸათეშ შიშისჷ.
მონჩურუნც დო ირფელი ართო მუღუ,
ნიშიქ მანჭჷ თაჸურენ წყარიშპიჯიშა.
დიადიხაშ გებდგჷ მონკა უღუ,
იშენით ცას მივანჭუქუ -
თიშ მარდისჷ მიბჭიშა.
მენიშოლე მეჩხომე რე - კოჩი,
ენა ხოლო სტიქსი ვარი - ინგირი...
დობსქილადჷ დიო ხოლო ბორჯი,
დუდი კჷნე
დუდიშულო იბგინი.
აპრილიში (პირელიში) 25, 2015 წანა,
წენდიხა.