დიო ვარე ჩქიმ გათხუალა

by რობერთ ბერნსი

please do not remove empty parameters (see the template documentation).

დიო ვარე ჩქიმ გათხუალა by რობერთ ბერნსი

გინმათანგალი გიორგი ბერია

მორდებუან ძღაბი ვორექ,
ხასლას მუჭო ალგანჯირა, სერ;
მა თიცალი ჭიჭე ვორექ,
ონჯღორე რე, მუ ფქიმინა, სერ.

ჩქიმ ეღბალი თაში ჸოფე,
ჭიჭე ვორექ, ვაგმარზინე, ბჯერც;
ჩქიმი დიდას გამმოსოფათ,
ცოდაშ მეტი მარდი ვა რე, სერ.

დიდაქ სქვამი კაბა დომჭუ,
ჭითა – ჸვინთელ ობინალით, სერ;
დიჭყინჭყოლუ, წეჸონებუ,
მა თქვა ნორჩალც ქალგანჯირათ სერ.

ულირი რე დამორჩილი,
მუ გინიღანც ზოთონჯიში სერც;
მიდგარენიშ ვორდე ჩილი,
სითამამე ვადომიბაღ, სერ.

ირქენც ქარი, ქარი იბირც,
მა ვავორწყექ წვანე ფურცელც, სერ;
აფუნც დიდი ძღაბი იპიქ,
ითიმწკჷმა მიდომჸუნი სერ!