დამორჩილი

by გური ოტობაია

please do not remove empty parameters (see the template documentation).

დამორჩილი by გური ოტობაია

ჰოუნანა, პოეზია, ერთტომეული, თბილისი, 2008 წ.

            
მეურს ურემი, დამორჩილი რე,
სერჷ გინძე რე დო დღა მორჩილი რე,
ჯათ გორჩვილი რე თავრენჷ ჸურენი,
სამარგალოშო მოკო ბღურენი!

მეურს ურემი დო მირსიოლუ,
ჸოროფაქ დუდი მომირსიოლუ,
ტანჷ მარზიოლუნ, აკა მუ რენი?!
სამარგალოშო მოკო ბღურენი!

ემერჷ სქუა დო ემერჷ ჩილი რე,
შურჷ ფურცელეფით მოფორჩილი რე,
ფოფორჷ ჭვილი რე?! ვეფანდურენი?!
სამარგალოშო მოკო ბღურენი!