გჷრჷნი დო მაფშალია

From Wikisource
Jump to navigation Jump to search
please do not remove empty parameters (see the template documentation).
გჷრჷნი დო მაფშალია
by ჯვეში მარგალური პოეზია
იოსებ ყიფშიძე "რჩეული თხზულებანი" თბ.1994წ. ხ.373-375

მაფშალია რე მაბირეთ
ჟინი გილახუნილო;
გჷრჷნი მეურს მარჩქილეთ
ჸუჯი ილაწურილო.
დუდი მეუღუ მაჩინეთ
დო მააშინჷ ნდურილო:
-- "მორიკულო რე ბირა სქანი;
"იბრჩქინე, თეში რენ დო ვარი,
"ირიართო გოცქვანანი,
"სი რექჷ დო მითინი შხვანი;
"რთხორე, მორჩქილუე ბირა.
"ის ოსქუნი, მიღუ თინა:
"ოჯინალო -- თოლი გვირა,
"ორჩქილარო -- ჸუჯი ფირა".
ცქუმალირი მაბირექ
ქოდიიჭყჷ მუშებურა;
მუჭო ჯგჷრი მარჩქინექ,
თეშ იბირჷ ირიჯგურა,
დო მის უჩქჷ, იბირჷ მუდა!..
ირ სქჷლედჷ ირჩქილედჷ
თუდონი დო ჟინი:
ჩიტეფქჷთი გაამანჯეს
ჭვიტაფი დო რშვინი,
ირი ორინს ქჷდარულუ
იშ ბირასი ჸოროფათ,
მათხილექჷთი ქჷდაჸუნუ,
ართი აძირე ჩხოროფათ.
მათხილექ ქოდოდუ ლარჭემეფი,
მუში ირ დღაში მაბირე;
შარას გილარე მეშარეფი:
რენა თიში მარჩქილე.
მაფშალიაქ გასურუ ბირა.
გჷრჷნქ დოუშქუ ჸუჯი ფირა,
იჭყჷ დუდი ღუზილო ჯინა,
შინუ, ოსქუდუნი თინა:
-- "ენა ჰაჰადეე ქორე,
"მა სი თინო ქოგიწოლე;
"მარა მუმულს გიაწონე,
"იშ გენაწონს ენა მორე?
"იში რჩქილას მა სი რთხორე,
"ვარა ვა რე ოხიოლე.
"გურაფა ღურაშა რე ირო:
ირჩქილეე თიში ჯგირო,
"ჭყოლოფუათ მიღი ჟინო,
"დო გობაღჷ ინა ჩინო".
ენა მუჭო გეეგონუ,
მაფშალიაქ გეებორუ,
სუა გილე ქიგეფორუ,
ოში გვალას გეგინოლუ.