გური ფართას ქუდოიტე

From Wikisource
Jump to navigation Jump to search
please do not remove empty parameters (see the template documentation).
გური ფართას ქუდოიტე
by ზაალ ჯალაღონია

გური ფართას ქუდოიტე,
მუკონჯამილ კარიცალო.
სინთე დღას ვაფსქირაფუ,
მიხვარჩალუ მალი- მალო.

გებდირთი დო ნარღეფც ვეჩი,
შურიშ კუმა ჸოფე რუმე,
გინძე ფერდის ქათვოდირთი,
დუდი სკანო ქაწიბჯუმე.

ცას მუკობუდ შურიშ ბანდი,
მუ უწიკო ჭუაშ ლანდეფს
მირულედეს დღალეფ თავრე
დო მუნაფეფც მიორჩანდეს.

სინთე დღას ვამობრკებუ
ვართ მიგორუ ცალი-ცალო,
გური ფართას ქუდოიტე,
ღორონთიში კარიცალო!