გური დო გაღა
რჩქინა ვაიღუნია, მირაგადჷ ტომბას რჩქინელ კოჩი
დო ოშნერი არგუმენტეფიშ მოჸუნაფათ
შურს ვა მოქალაფუანს ოგამებელო.
გური ალმაჭუ დო გურს ოკო ეკოთქუალა
ბრელი მუთუნიშ, მარა ვარი...
რჩქინა ვა მიღჷ, რჩქინა ვა მიბაღჷ.
მა ბგინაფულე, ნამდა გური მიხორცქუნ...
ბგინაფულე, ნამდა ხვალე კითხირი დო
ხვალე რჩქინა ვა ბაღჷ
დიხაუჩაშ სალამუსობაშ ინონჭაფას...
გივორექ დო ბღვარანქ, ურჩქენჯი კოჩი -
გური ქოჩირთუნ-და, გაღაქ ხოლო შილებე მეჩირთასინ!
მა რჩქინა ვა მიღჷ, მარა გურს უჩქჷ დო
გური გინაფულენს.
ირფელი ხომ ართ ბორჯის
გურშე რე გორჩქინელი იშენით.
გურშო რე რჩქინა, გურს ახიოლასინ,
გურშო რე ჸოროფა, კოც გური უფუნდასინ,
გურშო რე ჭუა, გურს აწყუნასინ,
გურშო რე ღორონთი, გურს ინოხედას დო
გური მორდასინ...
დო ირფელი თენა თაშ ვარენ-და,
ქენაჭარით რობოტის პროგრამა
დო თინა ირფელს ქიმინუნს,
მუსუთ კოჩიშ გაღა ქიმინუნსინ
დო გეშუღით გურს, გური
უშურგურე გაღამეფი!