გუნგაში კარაია
Jump to navigation
Jump to search
გუნგაში კარაია,
ორქოში სარაია,
გოსისმარუ დაია,
ვარა - სქან ჯიმაია.
ბაღანობა ემერი,
თოლიშ წოხლე მირულე,
დო გიბირცი სკან ნანა, -
ჩქიმი სკუა დირულეს.
ვარინ, დუდშე დაჭყაფუ
ოქაქალაია რე,
ჭიჭანობა თი სკვამი,
კისერიშო ძია რე.
გოხიოლუ, იბირქი,
ნანა შარას გილარე,
ქუმორთია, - გიძახუნ,
თინა სკანი დიდა რე.
უკულ ბაბაქ მიდართუ,
თექ ეკოხედ ყებურცი,
წოხლე თისი გელურდუნ
ასე სი თექ გერლურცი.
რინა ოკოდ არძასი
ოდო ხანი მიარე,
მარა ჸირფელ, ბოლოსი,
გუნგაშ კარაია რე.
ჩილამურქით გოსქირუ,
ვარინ, მოკო იმნგარე,
მუშენი და თე რინა
გუნგაშ კარაია რე.
ვადოსკიდუ მითინი,
უია დო ვაიათ,
დო აკოცენც თე სკანი
გუნგაში კარაია.