გოჭყოლადა ვაუჭარუ
გოჭყოლადა ვაუჭარუ,
ამბეს გიწინთ ეფერსი:
გალაკტიონს ვიჩინენდი
პოეტეფიშ მეფესი.
დომიხუნუ თიწკუმა დო
მიკითხირუ ლექსეფი,
დუდი მომიწონუაფუ
ჩქიმობურა წესეფით.
მართალი რე, ბრელსი შუნდუ,
მარა მუთუნს ვაშენდუ,
შუმილობა შვენდუ თეში
ხირზელობა ვა შვენდუ.
ლოთი რდუა, რაგადანა,
იშენ არძას უჯგუდუ,
გილეშუ დო მუს ფიქრენდუ
ხვალე ღორონს უჩქუდუ...
ართი გალაკტიონი რე
მუჭო ართი რიონი,
მითაჟამსი ვეჸუაფუ
მაჟრა გალაკტიონი.