გორიში ბაზარის
| გორიში ბაზარის by |
| http://www.kolkhoba.org/margtksk.htm |
1967 წანას მარგალს ელუჩეს: მუჭო იშუუკო ბრელი ფარა დო გინირჷთკო მილიონერო. მილიონერო გინირთე, ვაკო ბრელი ამბე. ხვალე ოკო ჭიჭე ხანდა. თენა ირფელი იქიმინე, ოღონდა ქომწით მუშა რე საქმე. გორიში ბაზარც ცხოდი გილაგორნს ოჸიდეთ კვეტელე უშქურც. ართი კვეტელე უშქურიშენი მუდგა ფასი გიოდვენი თის იგანა, მარა გიჩქდას, ეფას ოკო ვადაფასე. იმსერს მარგალს ვადურულუაფ ტყა დო ტყას გილეშ, მაჟრა დღას, გოთანას დოშაყარუ მოჯგირეფი, აკახუნუ დო უწუ:
-ართი ვითი დღაშა მილიონერი იპიქია, ოღონდა ჭიჭე თქვანი მოხვარა მოსაჭირუნია. არძოქ იმენდი ქიმეჩ დო ქოთ ქიმეხვარეს. შქვითი დღა კოროცხელს ტყა დო ტყას გილეფაფუდეს, სერ დო დღაში უდურულაფუო, მარა იშენი ეკანწყუეს ჟირი ტონა დო გვერდი კვეტელე უშქური. არძო უშქური თითო კაკალო რდუ ქარღადიშა მეკირილი დო ენონწკილი თითო კილოიან კოლოფიშა, თესხე ხანდაქ ტყურათ ვამედინკო თიშენი ქისხეს ფარა პროცენტიშა, ქიჸიდეს გვალო ართი კუპე დო დოხარგუეს თე მახირწალი. მახირწალი მიში’ მოსკოვ-ქართი ხიოლიში ღურელი მარგალს თელ სერც ვადურულუაფ დო თაში გორიში მენჭაფილს მახინწალიში მაზარებელეფს ქაჩუქ თითო კოლოფი უშქური, ქოთ ქიცქუ:
ართი, ჟირი მარაშა მა მილიონერო გინიბრთუქია დო გვალო ქოიჸიდენთია მახინწალამო ართო, უკულ გილომღითია გილეღათ კვეტელე უშქური გორიშა. გაბედნერებულ მარგალქ გჷმელ გორს, ქიკითხუ ბაზარიშა შარა დო გოთანას მარგალი ბაზარს პირველი რდჷ. გახარებული მარგალი მთელ დღას ბაზარს ტყურათ ქმწორდ, მაონჯუეთ ჭიჭე ხასიათიქ მეუდინ, მაჟრა დღას ხოლო ტყურათ ქიმწოდირთ, მასმა დღას ქიდიჭყუ ბაზარიში ლება დო ქოძირუ თე ბაზარის უშქურიში მეტი მუთუნ ვარე. მახუთა დღას იფიქრ ენეფს უშქური გეთებუნია ეთიმწკმა მა ძვირას გაგმოფჩანქია მამშვა დღას ქიდიჭყუ გოკითხირი თესხე უშქური გორიშა სოურეშე მოუღუნანია ქორთუეფქ გაკვირებულო ქენაჯინეს დო უწუეს ჩქი თაქ უშქურიში მეტი მუთუნი ვამიჩანანია. ეთიმწკმა მარგალქ ქიჩინ მუჭო საქმე გვალო ჯგირას ვარე, ქიდაჭყ ნერვიანობა, თი დონეშა ნამდა ქდაჭყ კვეტელე უშქურიში ჭკუმუა უშქურს მუ ჭკუმუნდ დო წკას სტოლს ოწკარანდ. ქმორთ ქორთუქ დო ქოკითხ:
-ენა მუ რენია, თე წკას ათაქ მუშენი შაყარანქია, მარგალქ გიძიცუ დო უწუ ათე წკა წამალი რენია, ართ კაკალი წკა ართი საქმეს ტვინს გონწყნსია. ქორთუქ ხიოლით ქიჸიდ, ეჩდოხუთი მანათიშა. ოჭკუმუ დო ართი ხუთი წუთიშა ტვინქ განწყ: მუჭო, მუჭო უშქურს ბრელი წკა მიშაძნია კინე ქმორთუ თე ქორთუქ დო ხიოლით კითხულენს ბრელი უშქური ქოიღუნიაო, მირაგადუეს ქორთუ დო მარგალქ. თესხე უშქური მოკონია მარა აშო გამორთავა მა იშო მეურქია, მარგალქ გიძიცუ დო კითხ მართალო თე უშქურქ ტვინი გიონწყუაო, ქორთუ აჯერენდ მუჭო უშქურქ ტვინი გოუნწყუ, მარგალქ ხოლო ოჭკუმუ ართი ჟირი კაკალი წკა. ჭიჭე ხანს იფიქრ დო უწუ ქორთუს ირფელს ქოუჯგუნია თენა მა იშო ჸუდეშა იბღენია დო ჩქიმი ჯგირი მოჯგირებს ქობჩანქია არძოს ტვინს გოუნწყნქია დო მილიონერო გინირთუნა.