გორდეფიში ლერცი
გოღა ხეთას გოხოლჷდი, გოღასერი ჭალადიდცჷ.
ოთხი გორდის გინულებუ, ოთხიხოლო აბრაგისჷ.
ინეფცჷ უქიმინჷნანი, ინა ტერიშ ალაგისჷ:
ჯგირი ცხენენცჷ გეხენან დო მეურქენა მართახისჷ;
ცხენი შურო ვა გითოჩქჷ ინეფიშ შონურჲ ნაბადისჷ;
მუდა კუჩხის მედგჷნანი, დიხას მენწყუნა ალაბის;
სოდე გიოჭიშუანანი, თექჷ ჭუნა ქალაქისჷ;
სოთჷ აწოხვადჷნანი, თექჷ რჩუნა ყაზახისჷ;
მუ ეფერი კოჩი ორდე, ვა გიშეღა რაგადისჷ;
გორდეფი დოშაყარენან დო ქიძახჷნა "მოლართი"-სჷ;
გორდეფც ლაზუტი დუტახჷნა, ქათუხენა კალათისჷ;
გორდეფც შაყარუა ნოღვე გასარხული შქა მარტისჷ;
ხეთური გორდი ხორგასჷ დო ხორგული გორდი ჭალადიდცჷ;
გორდეფც კითხეს: "სო ურქიე?" -- "წყარც ფშუნთია ყორათისჷ!"