გიორგი ხულორდას

by სერგო წურწუმია

please do not remove empty parameters (see the template documentation).

გიორგი ხულორდას by სერგო წურწუმია

   
სქან თოლეფი გოთანაფე ქირსეშ გურიშ მარდიცალო...
ოდაბადეს გახანდუქუ დღაშ დო სერით, ჸანჭიცალო.

ხვეში ღვენა მუშოთ გოკო, ლერსით რექჷ ეფშაფილი,
თეშ მასქვამა ნაბირასჷ ცაშა ჸუნქუ მენჭაფილი!..

გურმენცარცჷ სქანი ჭარა, ვართ ლიბ გერჩქჷ, ვართ მანგარი,
ჟინ პატონიშ ნაზოჯაში კოჩიშო რექ მათანგალი...

ჯვეშეფიშე მეიღებუ ზიტყვაშ ნძალა საკრალური,
წკვარამს ხოლო იბარჩხალჷ სქანი წკონდა მარგალური.


ქირსეთუთაში 25, 2014 წანა