გილვორექჷ ზას

From Wikisource
Jump to navigation Jump to search
please do not remove empty parameters (see the template documentation).
გილვორექჷ ზას
by ზაალ ჯალაღონია

გილვორექჷ ზას,
ოფულარი მაფულე.
დიხას დო ცას
უჩქჷნა მუსუთ ბგაფულე.

ქეკვოდირთუქ გას,
მინშა შურჲ მენტებუნი.
გილაჯანუ ძგას
ონჯუა რე მეთებული.

გვალო შუმილჲ ოკო რდას
დამორჩილიშჲ შვანც,
ვერჩეშჲ განშე შქიორია
ჯალეფჲ გილაჩანც.

ქუას ეშე გამწათანც,
ცირა თეში ნობირუე,
მიძირუ დო ბწანც
პეულცალო ნოპირუე

ორთა ხოლო ნოთირუე
მუშ ქერეჭჲ დო კანს.
მაფშალია ჰამო ბირათ.
გოსოფილჲ ცას ჭანს.

ხიოლით შეფხვადუქ
უჩა დღაშ მორიას.
ვამარზენა თაქ,
დოსართე დო დორიას.
ჩქიმ შურჲ ინაქაქ,
მიწოტებულ ბორიას.