გილვორექჷ ზას
გილვორექ ზას,
ოფულარი მაფულე.
დიხას დო ცას
უჩქნა მუსუთ ბგაფულე.
ქეკვოდირთუქ გას,
მინშა შურ მენტებუნი.
გილაჯანუ ძგას
ონჯუა რე მეთებული.
გვალო შუმილ ოკო რდას
დამორჩილიშ შვანც,
ვერჩეშ განშე შქიორია
ჯალეფ გილაჩანც.
ქუას ეშე გამწათანც,
ცირა თეში ნობირუე,
მიძირუ დო ბწანც,
პეულცალო ნოპირუე.
ორთა ხოლო ნოთირუე
მუშ ქერეჭ დო კანს.
მაფშალია ჰამო ბირათ
გოსოფილ ცას ჭანს.
ხიოლით შეფხვადუქ
უჩა დღაშ მორიას.
ვა მარზენა თაქ
დოსართე დო დორიას.
ჩქიმ შურ ინაქაქ,
მიწოტებულ ბორიას.