გვიმარა

From Wikisource
Jump to navigation Jump to search
please do not remove empty parameters (see the template documentation).
გვიმარა
by გური ოტობაია
ჰოუნანა, პოეზია, ერთტომეული, თბილისი, 2008 წ.
Dioon sp, Kew Gardens (Steve Parker).jpg

ოხვამერჷ ჯა რდი, მარა
დეჩიჩიო, გვიმარა?
ვეკანგარა ირიათო
თი თუთა დო თი მარას,
ოხვამერჷ ჯა რდი, მარა
დეჩიჩიო, გვიმარა?!

ჩელაია ნირსი ცაშე მირაჸვალუ,
გოკურცხია, დიდა ინგირჷ გირაქვალუ,
გოლვაფირო, გოლვაფირო, ირო ფალუ,
კუჩხეფიშა წყურგილეფი ქუმოიდვალუ,
ოხვამერჷ ჯა რდი, მარა
დეჩიჩიო, გვიმარა?!

შხურიშჷ ტყების გეჭარუდუ სქანჷ ნინაშა,
მუჭო ოკო ონდღულესკო ფულანდი,
ითამჷ კუჩხი გეიდგუმუდკო ტინტილაშა,
ეკორჩვილი გილეში დო ქულანდი!
შხურიშჷ ტყების გეჭარუდუ სქანობურო,
ორქო ქვიშაშჷ კორობუა-წესეფი,
გიკურცხინე, გიკურცხინე, გოლვაფირო,
სი მუნაფას გიწილოხუნს მესეფი!
ოხვამერჷ ჯა რდი, მარა
დეჩიჩიო, გვიმარა?

ბირგულჷ მუშენჷ გიდირკუ,
კოლხურჷ ბირაშჷ მარჩქილეს,
ქარწყექ _ ჰავაქ ქიდირქუ,
ფსუა გეკოვარჩხილე!

ქიგიშინი ხიოლი,
რე მუმულიშჷ ჸიონი,
მობაღუნა ქირონი,
უზისხირე, გვიმარა!

ნჭყოლირჷ გური მუჭო ვემკისქილადე,
ღურა თელათ მუჭო ვემკიზგილატე,
კოლხიდაშე ლანდი ქიდოსქილადე,
უზისხირე, გვიმარა!

ჩელაია ნირსი ცაშე მირაჸვალუ,
გოკურცხია, დიდა ინგირჷ გირაქვალუ,
გოლვაფირო, გოლვაფირო, ირო ფალუ,
კუჩხეფიშა წყურგილეფი ქუმოიდვალუ.

ოხვამერჷ ჯა რდი, მარა
დეჩიჩიო, გვიმარა?
გიკურცხინე, გოლვაფირო,
ვარა გიმორჯგინანა!
ქიგიშინი თი მარა,
ქარწყექ: მუსხის გიღვარა,
გემწოდირთი, გემწოჟვენგი,
გემწოსოფი, გვიმარა!