გეკიკათით

by რამაზ კუპრა

please do not remove empty parameters (see the template documentation).

გეკიკათით by რამაზ კუპრა

რამაზ კუპრა. "ლაზონა დო მარგალონა" 2009წ.ხ.139

თის ნატრენა, ომარგალე,
ჸუნდან დოჩოქინაფილი,
გური ეშარალირი დო
ღილატირი, დინაფილი...

ომარგალე, ქიმერჩამდას
ჯიხაშკარიშ ჯიხაშ ნძალა,
ჯინალობა, მორდუობა,
მითინს, მითინს ვადვანძალათ!..

უდუნდელო ქაშმაკათეს,
დობაბლაგეს ირფელნერო,
იშენ გერექ ქომოლურო
ბირგულ გინოფერჩველერო!..

მუნაფა რე შაყარელი,
დუსჷ სქიბუ გჷმართუნა,
ჩქინი ემაჭყვიდალემსჷ
ჩქინ ჭყვადუა ვასქიდუნა...

განთხ გოზინდით, გოცქვირონდით,
ქუმარჩქილით, მა მუს ბთქუა:
გეკიკათით, ნამსით გოკონ
ომარგალეშ ჯგირობუა!...

1992 წანა, ფუთი.