გ
გორი დო ქოძირუნქ!
გემუანი ნინა წამალი რე!
გემუანი ნინათ ხოჯითი იჭვალენ!
გირინი დო სქვერი კოჩიქ ვეჩინუ-და, მუ რე გირინი!
გურმულირო ჯოღორი კალივი იჸონი და ვა ლალუნს!
გლახა მართალი, ჯგირ ტყურას უჯგუ!
გლახა კოჩიშ ოჭკომალს ჯოღორ ხოლო ვა ჭკომუნს!
გურამ კოჩის ღორონთ მეხვარებუ!
გურაფა ღურა დღაშა რენია.
გური მანგარი ქოგიღუნ-და, ლეკურს სიკვათირეს ნუ უწონენქ.
გაჭირება ეკოხონც გორულუანცია.
გალენი ჭუკიქ დჷნახალენი ჭუკი გეგინორაჸუა.
გატებელი ზისხირი ოკო გუტუე.
გაჭირება ეკოხონც გორულუანცია.
გაჭირებაქ კოროხიში კურთა დჷმოსოფაფუა.
გაჭირებაქ ქახმაში კაბა დუმოშირაფუუა.
გაჭირება ხვამა-წირვას გჷგოჭყოლიდუანცია
გაჭირდჷდა კაჟი ქიმლეჸოთი პიჯიშა დო გოტახი, სიტყვა ვაგოტახა.
გებშვინი -- გეთუა, ვაფშვინი -- დემჟუა.
გეგაფილს გდვალირი უჯგუნია, გედვალირს გინიგანა დო გეგაფილიშა მუთუნი ვეღოლენია.
გეეთუ ბეხუიაში დიარაქ.
გემუანი ნინა -- ბედნიერი რინა.
გერეში გერე ირო ჸოფე დო ირო იჸინია.
გერიში შქურინით თხა მის უჭყვიდუნია.
გერიში ნაშქურინეფი ჯოღორი ლანდის ულალუნდუა.
გერიში შქურინაფილი ჯოღორქ წანმოწანასი ჯიკის ულალუა.
გერს სახარებას უკითხენდესია, მალას გათეთია, ემერი შხურს ვორწყექია.
გერს გერობაქ გიოსქიდუა დო ტურაქ ქიჸანა დონწყუა.
გერქ დიირჩინუნი, ჭიჭე ტურაქ ყუს ქალაღვარუუა.
გერქ თქუა: -- უჩა სერც, უჩა ტყას, უჩა ბეწვის ვორწყექია.
გვალას ქუა გამკოლუნი, გაჭირებულს გიანთხუ.
გვანაფა შელორცათ ვეჸუაფუ.
გვერი ფერს ითირანსია, ვარა წესის ვეთირანსია.
გვერს კუჩხი ქეგიობიჯგე და -- ქოგაჩამუ.
გვერს ნინაშენი ჸვილნანია, ვარა მითინიში ეზოს სიმინდი ვაუჭკომუნია.
გიაჸუნი რეიცას, კოჩ ვაგიწინს -- მეიცას.
გიდელს ონტუდუა დო ღვარღვალი გიაძიცანდუა.
გილახექჷნი ი ჸას კვათუა ვაკონია.
გიმითირუ ქიანაქ, ჩიტი ჭკუნდუ მიმინოს.
გინარაგადას გემო ვაუღუნია.
გინძას ვაშგერუასნ -- კუნტა-კუნტათ რაგადე.
გიორგი ცხონდია -- ირკოჩიში მორდია.
გირდიში კიბირიში ეულაშავა.
გირინი მუშო ვირს აკეთენს, შხვაშო -- ჯორს.
გირინიში კვარტიქი ვეგეწყინასია.
გირინო დაბადებული გირინო დოღურუნია.
გირინს ყუს ხორხუნდესია დო სორენია რახარუხი ირჩქიენიე.
გირინქ დუდი დიტყობინუა დო ტურაქ კუდელი ქამაჭკომუა.
გლახა კოჩიში ვართი ჯგირი დო ვართი ფური ნუმ გოკო.
გლახა მენძელიში ჯოღორქ თქუუ: ვაჩინი -- სუმარქ დჷმენდურუა ვაჩინი -- მენძელქ.
გლახა სქუას გლახა ჯოღორი უჯგუნია.
გლახა ჭკადჷქ მუში ქიმუუძინუა.
გორდის ბუმბულც ურჩანდეს დო -- ფუჩეჩიშა, ფუჩეჩიშა -- იძახუდუა.
გორდიქ თქუა: დობჭკადით დო ჩახათიშა მა ხოლო ულია.
გორდიქ კამბეჩიში მაშხვა ვორდავა, თქუა, იბარუ, იბარუ დო იში გოხორცქუ
გორდი წყარს მეუღუდუ -- ყორათიშა ურქია წყარიში იშუმუშა.
გოღანერი სადილს ამდღარი საკაკალო უჯგუნია.
გუდა უმუკირუო ვემიტენენია.
გურაფაში ჯინჯი კოლე რე, მარა წვანდი ჰამორე.
გურაფა ღურა დღაშა რენია.
გური მანგარი ქოგიღუნდა, ლეკურსი სიკუათესი ნუ უწონენქი.
გურიში მულა კოს ოშუმუანს.
გურიხვიხვალსიე კვერიხვიხვალი უჯგუნია.
გურს გურიში ვრუჩქდასჷნ, დუდით ბრელი ვაგეგებე.
გჷმორჩქინელი ჭირი კოსი ვაჸვილუნს ფულირი -- ქო.