ბჟა ეულირი
სჷრმაშ ძაფითჷ ცას მუკობუ ბამბეშ მუნაფა,
აშვოჯანუქუ ბაღათურო დუყიფულირი,
შურუდგუ ქაქალც,
მემნჩურუნქ ეკი,
ქუმოკო ბძირე ბარჩხალია ბჟა ეულირი.
თე ოკვანწიაშ გალე ვარე მუთუნ ჩხონაფა,
ღორონც უკებუ სჷრმაშ ძაფი მუ ალობური,
ქიანას მაძჷ
ბამბეშ ჩაფულა...
მიბქვეთუით ართო შურუბუმუ, შურილებური.
ჰე, სირმაშ ძაფი სო გილამუ ჩქიმი ყონაფა,
ეკმოყვყვინანც ბაღანობა გიწორტებული...
კინ თინა ვორექ,
კინ თი ლექინი,
სირმას ყუნელი,
გოყუნელი დო მენდებული.
მუშო მოკოდუ თე სიჰამაშ მა მოწინაფა:
ეს შური ოკო, გური ოკო, – კილე რგებული...
მარა ვავორექ
გარგვიებული,
რახანც მოძრუ ეულირი თი ბჟა ულირი.
1964წ.