ბორია დო ნია

by რამინ შელია

please do not remove empty parameters (see the template documentation).

ბორია დო ნია by რამინ შელია

ბორია დო ნია, ბორია ნია.. ჯვარი-მაქსანია, ხუმათია-ლია
ისჷრით რთვილი ჯვეში ჯარგვალია
ბაღანობა ჩქიმი თეურე მიპუნია...
ბებიშ ხეთჷ მუნარზია ჟჷრი ლუკა თია
ჩხე ღუმუსუ მეჭაბილი ჸვალი ფუჩხოლია,
თინა დღას ვაგმოჭყორდ ირო გეფშნია,
გემუანი თია გემუანი თია
ლაფარას ლაჸაფენა ბორია დო ნია...
მუჟას წყურგილი დოსქრაფე რგილი ,,ყველიშია’’
სისმარეფი მაწვალენა - ,,აკა ქიმერთია,
შურო მუჭო ვემიაკითხე, მუშენი ქიმინია’’
(კოც ირფელი სო გაჭიშე-ქოთქვი ქომიწია)
ვაი ჩქჷნი გოჭყაფუსუ ერჩქინას დო ლიას...
კოჩიშ რინა შურო მუ რე- ბორია დო ნია!
დობღურენი დომინგარი დიხას დომთხორია
ბოლო დღას ათე ლექსი მითხუ-წამკითხია,
ბორია დო ნია, ბორია დო ნია!