ბოლოს

From Wikisource
Jump to navigation Jump to search
please do not remove empty parameters (see the template documentation).
ბოლოს
by დერეკ უოლკოტი.
გინმათანგალი გიგა ქავთარაძე

მა წყარწკუმა ვოხორანქ
ხვალე. ჩილ დო სქუაშ უმშო.
მუდანერ შარა ვავამორსი
სონდარო თაიშა მიფშიკონ:

დაბალ ჸუდე ტუტაშფერ წყარწკუმა
დო ოსინთეეფი, ირო გონჯამილი
მაშულიდარ ზუღაჸურე.
ჩქი ვეგმშაბგორუნთ თეცალ მუდგარენეფს,

მარა თინა ვორეთ, მუთ ჩქინ დუდშე გიშმალენან.
ჩქი იფჭიროთუთ, წანეფ მეულა;
გითმუვორჯგინანთ ჭუეფს, მარა კორინს ვარი

ჭუაშ ღვენაშ. ჸოროფა - ქუა რე,
ნამუთ ზუღაშ ქვინჯის გითოძუნ; ჟიშე
წყარიე, ტუტაშფერ წყარი. უკვე მუთუნს ვაფთხულენქ

პოეზიაშე, ხვალე - სიმართეს.
ვართ ალებას, ვართ დიდებას, ვართ, სქილიდაფას.
ხვალე, მუჭოთ შურუბუმ ჩილი,

ქალამდოხოდას ხასჷლას დო ვუჯინათ ტუტაშფერ პოპორეფს.
დო ქუგმოხორგან რინაქ გვამი,
მუჭოთ ზუღაქ - მუშ ძგას.

მა ოკო გინიფრთე უგინაფუქ,
დიბჭყოლიდუე ოკო ჩქიმ ნიჭი. მუთ, შილებე, ბრელო უმოს რდას
დო ბრელო უმოს ძნელი, ვინემ შურდგუმა -
ვინემ თინა, მუთ რინათ მიოჩქუნან.