ბავშვების ხმაური ავადმყოფობის დროს

ბავშვების ხმაური ავადმყოფობის დროს ავტორი: ტერენტი გრანელი

ავად ვარ, ისევ
მე ავად გავხდი.
ვწევარ და ვისმენ
ბავშვვბის ძახილს.

და ვხედავ საგანს,
როგორც წვალებას.
და ველი სხვაგვარ
გარდაცვალებას.

ჩემს ნაბიჯს გმობენ,
როდის გაჩნდები.
და ხმაურობენ
გარეთ ბავშვები.

ავად ვარ, ისევ
მე ავად გავხდი.
ვწევარ და ვისმენ
ბავშვების ძახილს.

რესურსები ინტერნეტში

• მამარდაშვილის ციფრული ბიბლიოთეკა