ახლა შორიდან ვიგონებ ქუჩებს
Jump to navigation
Jump to search
| ახლა შორიდან ვიგონებ ქუჩებს ავტორი: ტერენტი გრანელი |
ახლა შორიდან ვიგონებ ქუჩებს,
ქალაქს დაფერფლილს.
მოვშორდი თბილისს და თითქოს უცებ
გადავსხვაფერდი.
გრიგალთან ერთად ქარია დღემდე
და უფრო სევდა.
დებო, ამდენი წამების შემდეგ
თქვენ ცოცხალს მხედავთ.
დაცვენილია ფოთლების გროვა,
დღეა სხვა ყოფნის.
უცნაურია და მეუცხოვა
სიჩუმე სოფლის.
ახლა შორიდან ვიგონებ ქუჩებს,
ქალაქს დაფერფლილს.
მოვშორდი თბილისს და თითქოს უცებ
გადავსხვაფერდი.