ახალ წანას მიგახვამანთ!
Jump to navigation
Jump to search
რინა ართი მერქა ორე ,
თოლიში დოჭარჭვალაფა,
ლაკადაში დუნაბადუს
კინ დუდი მემღუ გვალაშა.
თირი მოკო, თირიში ბაბუქ
დღას ვამორთუ ჩქიმიდა,
წანა წანას თეშ გეთხოზუ,
დუდქ ვენდმაღუ ფირქიშა.
ყოროფათუ მიდგუ შური,
მუმაულშა ურათუ,
ჯგირობუას იბგონე დო,
გურს იფხარე ტყურათუ.
თირი მოკო, ბრელი თირი,
იფრელქ ივარკალასუ,
მოჭყუდცალო გოფობრას
თირიშ კაბა-ფატათუ.
ოდაბადე სარკუნდას
თიშო ჩქინი ხანდათუ,
ნტერეფს დუოფორჩანდათ,
ეფშა ვორდათ ჭყანათუ.
თირცალი წკონდა შური მოკო,
მიღუდანინ მაყალეფი,
ართიანშო ვორდათ ხვალე
ჯგირიშ ელმაჩამალეფი.
თირი მოკო, თირით მოკო
იფინუდას მინდორი,
ბჟა გესინთელი,იაშფერი
პეულეფიშ შქიორი.