ახალ თუთაში სონეტი
Jump to navigation
Jump to search
თუთა ახალიში იეროგლიფი
მისინთუა დო თელი სერცჷ შარა მინათი,
მა რთხი შელორსა ირ ონჯუა დღა გეკულასი,
ე დუდიშ ჭუას ეზმა ჭყალათ დუდ გაკულასი,
- ვამაღორებექ, ვამონტუ-მაქ, მონტუ თინათი.
ჟი მუნმორექ დო იბდათია, მუზმა გილაფრთი,
გურცუ მაჭუდუ, თენა გეჩი აშ ეკულასი,
სკან ოხვამერი შარას ქობთქვი გირძე კულათი
დო ღვინქი ტვინი გომტიბუა თეშმარგილასი.
თუთა ღორონთი (აშხა ღორონც ჯოხო ხეთურო).
მენცარი რექი, ჸირფელ გიჩქუ – მი სო მეურცი,
ჩქინჯგურა ანთას გიძირუნდო, აქჷთ გეთუდო...
სკან ნარაგადი, მა მიჩქ, ართ შვანც არძა ეურცი,
ჸეთი ჩუქურთმა გოთხოზ არძა არიკ დო მითის
დო მათ გილაფრთი ახალ თუთაშ იეროგლიფით.