ახალწანაში მიოხვამური
Jump to navigation
Jump to search
ახალწანას მიგახვამანთ,–
ბრელი ახალწანა,
ტანს სინთელე რშებუდანი,
სახანათი დო ჭყანა...!
ჯგჷრ(ი) გური ერჸუნაფუდან
ირი ჩე გოთანას,
,,ვიხარმამას" იბირდათ დო
სხაპდათ განდაგანას!..
წყარ(ი) დო ჰავა ზომიერი,
ჩხაპალი დო ჩხანა,
ირო გინოშვაშვალერი
თქვან(ი) ორტვინ(ი) დო ჸვანა.
ხვე დო ბერექეთიანი
მაღაზა დო ხარა...
ბაღჷ ეფშა, მარან(ი) ეფშა,
შხურ დო თხათ–ამხარა,
ოქართე – ცხენეფით დო
ორინჯით – აგვარა...
ულიუ გილეგვარგვასჷდან,
ლექსერი – აგვართა...
ორქო – ვარჩხილითი ეფშა
თქვან(ი ) ლაგუჯ(ი) დო ხართა,
ბოშ(ი) დო ცირა თოლიგვირა
ახალ(ი) აკნაკათა,–
ფსქეიფით ეფშაფედან(ი)
კეღუცა დო მართა
,,ჩვენ მშვიდობას" იბირდას
თელ(ი) ქიანას კათა!