აფხაზეთი დო სამარგალო
Jump to navigation
Jump to search
აფხაზეთი დო სამარგალო by [[Author:ოთარ აძიმბაია| ]] |
წყუ: ჟურნალი "ორნატი" #2 2003წ.ხ.75 |
ენგურიშე ჩქიმ ჸუდეშ ჯინაქ
გური დომიხაშუ გვალო,
ირო ართო იშინუაფუდ
აფხაზეთი დო სამარგალო.
აფხაზეფ დო მარგალეფი,
ბრელი ვორდით ძიძესქუა,
ღორონთქ ვაგგაჭყორანი დო
რუსი ჩქინდა ვესხუნუათ.
ართი დიდაშ ძუძუს ბწუნდით,
ირ ქიანას უჩქუ თენა,
დიდაშ ძუძუშ ღალატისი
ღორონთ ვამაპატიენა.
ზისხირქ დოწუნ მობაღუნა,
ჭყვადილ პუნა გვალო ბრელი,
დუდი გეშიბკურცხინუათ,
რუს რე ჩქინი საერთო მტერი.
გომნწყათი დო გევოდგინათ
ინგურიშ ხინჯ საჯიმალო,
ღორონთ, ართიანს ვეგლასოფა
აფხაზეთ დო სამარგალო.