არიკი ოკო დოფსხუნათ

by გიორგი სიჭინავა

please do not remove empty parameters (see the template documentation).

არიკ ოკო დოფსხუნათ by გიორგი სიჭინავა

ხურჩა მოურც ხურჩინით,
არიკეფიშჲ ხურჯინით,
ბძირით, მარა მუ ბძირით:
წყარიშ დიდას უჯინით.

ბოგა ტყობას მინიბლით
ბიწკითჷ დო ფურცქინით,
ოფუტეშა დიფრთითჷნი,
ნაძირეფუს მუძინით.

არიკჲ ოკო დოფსხუნათ
შურჲ ქიგნვორთუათჷნი,
მართალიშა ვეგირზინე
ირო თინა ფთქუათჷნი,
შარა ვარე, ჯიმუცალო,
ტყურა ვაუკათუათჷნი.