აკა, მუშენ ვემირულექ?!
Jump to navigation
Jump to search
ჰავაქჷ ეიოფშჷ ლაკაცია ციორითუ,
აკა, მუშენჷ ვემირულექ ფიორითუ?!
გეგმათხოზუ თოლი ფერდის წაწაფითუ,
ვემირულექ მუშენჷ თუნგიშჷ კვანწაფითუ?!
სო ვარენო დამორჩილიშჷ ფოფორჷ ჩანსუ,
სონჷ ხანი რე ჰავა ნოხო ოფორჩანსუ.
სონჷ ხანი რე დამორჩილი შურსუ ჭვეთანს,
სონჷ ხანი რე წყუ ჸვინთელო ბონუნს ჩე ტანს.
ლილაშფერი ოროეფი გვალეფს ლოლუნს,
აკაბცხათ დო ბჟა ოჭმარეს გეიშათოლუნს.
დრო რე ელხე, თი თუნგიშე წყარსუ ფშუნდე,
დრო რე ხურხის მასქურცალო ეთმარშუდე!
ჰავაქ ეიოფშჷ ლაკაცია ციორითუ,
ვემირულექ მუშენჷ კაბაშჷ ფიორითუ?!