აიეტ მაფაშ სურათისა მიკნაჭარა
Jump to navigation
Jump to search
| აიეტ მაფაშ სურათისა მიკნაჭარა by [[Author:ფაუსტ ნადარაია|]] |
| ჟურნალი "აია" №19 2015 წელი გვ.68 |
სქან სურათის ვუჯინექ დო
ფირქეფ ვალუნს ოშინერი,
ნიტე თი ჟამს, სი ორდინი
ჯვეშ კოლხეფიშ დუდმანჯღვერი.
მითინ ვარდუ თე ქიანას
თი ბორს სქანდე დიდი მაფა,
თომაშ მასქა რჸუნდუ ჯარი-
ნტერეფიში გურიშ ზრაფა.
ორქოშ ჸორშის მილახედი,
კათათ რჸუნდუ ორქოშორო,
მარგალურო ზოჯუნდი დო
იხვამანდი მარგალურო.
სორე ასე თი კოლხეთი?
აკოსოფეს,აკარღვეს?...
თიშა ვამამინჯელეს დო
თენა სით თექ განარღენს?.
მარა კინე გემწოდირთუ
ჩქინი ჯვეში ომარგალე,
ქუგოიშინანს მაფალუუ,
სამარგალოს ქუგუალე.
P.S.მარგალურო თიშენ ბჭარუნქ,
ვეგეთუას ჩქინი რინაქ,
მოკო დღასჷ ვემედინას,
სქან დო მედეაში ნინაქ.