ავთანდილი ოხვეწ ღორონთს

ოხვეწ ღორონთ მარდიანი : მინჯე ჟინ დო თუდონიში
მინ წვალებაშ მუმაჩამალ : მინ სიკეთე ხიოლიში
არზ დო სიტყვა უგუნჭაფუ : უფალ არძო უფალიში
ქომუჩ ჭყანა გურიშ კორინს : მუვერუე მანი თიში

ღორონთ ღორონთ მითჷ ფლენქჷ : ირფელს ცა დო დიხა შქასჷ
სი გარჩქინი მიჯნურობა : თიშ წესეფი მუნერ რდასჷ
მა კვარჩხ ბედიქ ვადამინდუ : გამოფსოფუ ჩქიმი ბჟასჷ
ვეშამჩიჩხვა მა ჸოროფა : ნამუთ გურსჷ დინომითასჷ

ღორონთ თქვან მეტ მოწყალეს მა : ვავორწყექჷ მითინს შხვასჷ
მუდგა შარას გევორდენი : თქვანდე ველუქ მოხვარასჷ
მირსხი ნტერ დო უბადოშე : დო გინმოტე პოპორ ზღვასჷ
ქიბცოცხლი და შესაწირსჷ : ვადაბზოგე თქვანო დღასჷ

გათუ ავთანდილქ ხვეწება : ტყობას ცხენით გინილ კარსჷ
შერმადინქჷ დირთუ მარა : ჩილამური წენს ინგარსჷ
გურშა ხელეფს მითმინჭანსჷ : კირდე მეუღ ზისხირ ღარსჷ
მინჯეს ვარწყენ ეთი მონა : მუქჷ ოკო გახარასჷ