აბა, მოულა
Jump to navigation
Jump to search
დღას ვეგმაშქვინ ჭურჭულქ
ყოროფაშო ფირქებშა,
ირო მორკუ...ეშმაკეფქ
რწკინეს მურიცხეფცალო
უსქანეთ ვართ წიმი დო
ვართ უკახლე მალინუ,
ართ ადგილს გევობიჯუქ
ოყვილარი შხურცალო.
ბორჯ ოდგიშით მიძგვიტუნს
ჩქიმი გურიში ღანკებს,
ცაშა ფურინი მოკოდ მარა,
გიმე ქეთმოღვანკეს.
გეყულონტუნს ყილონტი
ჩქინ ქიანაშ ჭუას,
აბა, ულა მიოტეთ
დო მოულა ბთქუათ...
გერგეზეფიშ ქიანას
ოსაჭირუ მინჯე..
რკებათ გილასარჩილრე
ოუნჩაშ მიდგე.