အပျိုကြီး သဖြန်ပုလဲပေါက်

From Wikisource
Jump to navigation Jump to search
အပျိုကြီး သဖြန်ပုလဲပေါက်
by ဦးပြုံးချို

နှစ်ဆယ်ကျော် အစိတ်ပိုင်းမှာလ၊
အရွယ်တော် တဆိတ်ဟိုင်းပြီမို့၊
စိတ်တိုင်းကျ တွေ့မထင်။

မတန်မှရွေးလှချည့်ရဲ့၊
ကံပေးလျှင် လိုရာရောက်လိမ့်မပေါ့၊
ဘောက်စရာ မာန်ကိုယုံလို့၊
ကြောင်းမဆုံ နှောင်းပုံ အလုပ်ကယ်နှင့်၊
ခေါင်းသုန်လျှင် ရောင်းကုန်ပုပ်မှဖြင့်၊
(ခင်ရယ်) ကောင်း - ကောင်းမဟုတ်ချင်။

ရမလို လိုတာမရတာနဲ့၊
မ,အပျို ကိုယ်မှာ သ,တော့မဟဲ့ လို့၊
အိုခါမှ တန်းဆာဆင်၊
သြော် ... ဇရာအသွင်ဟာမို့ မြင်သူမုန်း။

စျေးမကွဲခင်၊
ကြေးနည်းတာ မမြော်မြင်နဲ့တော့၊
ခေါ်ငင်ကာ တွင်အောင်ရောင်းပါမှ၊
ကုန်ကောင်းစဉ် မြန်မနှင်လို့၊
အမှန်ပင် ရက်ကြာလို့ နှေးတော့ကမှ၊
လျှော့စျေး လေလံဆိုင်၌၊
စျေးမကိုင် အနိုင်ထုတ်ရတော့၊
ရေးမသာ ဆွေးကာစုတ်တယ်၊
(အိုကွယ်) ကြေးယုတ်လို့ရှုံး။ ။

PD-icon.svg This work was published before January 1, 1925, and is in the public domain worldwide because the author died at least 100 years ago.