အင်းဝမြို့ တန်ဆောင်မုန်းလဘွဲ့ လူးတား

From Wikisource
Jump to navigation Jump to search
အင်းဝမြို့ တန်ဆောင်မုန်းလဘွဲ့ လူးတား
by ဆီသည်ရွာစား ဦးအောင်ကြီး

သာစွလေ၊
ရစ်ခွေပတ်လှည့် မိုးလပြည့်နှင့်၊
တူယှဉ်ပြိုင်လာ၊ ကြတ္တိကာတည့်၊
ဗြိစ္ဆာရာသီ ၊ နာရီညဥ့်တိုး၊
နတ်လည်းနိုး၍၊ သံမိုး ကုန်စဲ၊
နှင်းသေးဖွဲသည်၊ ခဝဲပွင့်တုန်း၊
တန်ဆောင်မုန်းကား၊ မချုန်းမိုးသား၊
တိုင်ထွတ်ဖျားတွင် ငါးပါးကျိုးရှိ၊
မီးပွင့်ညှိ၍ ပြည်ကြီးဖွယ်ရာ
သဒ္ဓါအားကြိုး၊ မသိုးသင်္ကန်း၊
လှူရွှင်လန်းသည်၊ ရဟန်းသံဃာ၊
အရိယာတို့၊ သစ္စာလေးစုံ၊
ရွှေစည်းခုံဝယ်၊ ကြည်ယုံလှလျှင်
ပွဲပုံယင်လျက်၊ အောက်ထက်ကျော်ရှိန်
ပြည်ကုချိန်သည်၊ ကထိန်လှူသင်္ကန်းတည့်လေး၊
ပွင့်လင်းစည်သည်၊ ရွှေပြည်ရွှေဝ နန်းတည့်လေး။

PD-icon.svg This work was published before January 1, 1925, and is in the public domain worldwide because the author died at least 100 years ago.