သိမ်မျိုးစုံမဟာဋီကာ/သမူဟနတိ ဝိစာရဏခန်း
| ←၆၁။ ဧသာ ဉတ္တိ ဝိစာရဏခန်း | သိမ်မျိုးစုံမဟာဋီကာကျမ်း by ၆၂။ သမူဟနတိ ဝိစာရဏခန်း |
၆၃။ ခမတိပုဒ် ကတ္တူရုပ် ကမ္မရုပ် သင့်,မသင့် သာဓကခိုင်မြဲစွာပြခန်း→ |
သမူဟနတိ -စသော ပုဒ်တို့မှာ သီဟိုဠ်မူ၌ သံဃောတိ တိစီဝရေန အဝိပ္ပဝါသံ သမူဟန္တိ-ဟု မု,မှာ ဦ,ဒီဃနှင့် န,အက္ခရာကို တိ,အက္ခရာနှင့် ယှဥ်စပ်လျှက်ရှိ၏။ သံ,ရှေးရှိသော ဦဟ,ဓာတ်ဖြင့် ပြီးသောရုပ်၏ တိဝိဘတ်ဖြင့် မပြီးသည်တစ်ကြောင်း၊ သမုဟတော သမုဟတာဟူသော ဣ အာဂုံ ကင်းသော ပါဌ်တစ်ပါးတို့နှင့် တိုက်မဆိုင်သည် တစ်ကြောင်း၊ သဒ္ဒယုတ္တိ မရှိသည်တစ်ကြောင်း၊ ကြံစည်ခြင်း ရုံးစုခြင်းဟု ဆိုအပ်သော ဦဟဓာတ်နက်အရာမဟုတ်ရကား အတ္ထယုတ္တိ မရှိသည် တစ်ကြောင်းများကြောင့် သံရှေးရှိသော ဦဟဓာတ်မဖြစ်သင့်။ ဦ,ဒီဃဖြစ်နေသည်တစ်ကြောင်း။ သမုပစိတံ စသည်ကဲ့သို့ ဥ,ရဿဖြင့်ပြီးသည် တစ်ကြောင်းများကြောင့် သံရှေး,ဥရှေးရှိသော ဟနဓာတ်ဖြင့်လည်း မပြီးရကား ဤသို့ သမူဟန္တိ-ဟုရှိခြင်းသည် မကောင်း။ သံ,ရှေး ဥ,ရှေးရှိသော ဟနဓာတ် ဟိံသတ္ထဖြစ်၍ သမုဟနတိ -ဟု ဓာတွန်မကျေပဲ ဥရဿနှင့်ရှိခြင်းသာ ကောင်းသတည်း။ ရှေ့သမုဟနေယျပုဒ်၏ ဝိနိစ္ဆယမှာ ရှုရာ၏။
သမူဟနတိဋီကာ ပြီး၏ ။